Merkato largimesh për AC Milan. Gabriel Paletta ka prishur kontratën me kuqezinjtë dhe është i lirë të zgjedhë të ardhmen e tij, ndërsa portieri i katërt Gabriel do të shkojë te Empoli në Serie B.
Lajmin e ka bërë të ditur klubi kuqezi në “Twitter” që vendosi ta ndërpresë para kohe bashkëpunimin me Paletta, pavarësisht se marrëveshja përfundonte në qershor 2018.
Gabriel Vasconcelos Ferreira, portieri i katërt i Milan, por që ka qenë në stol në katër ndeshjet e fundit, është huazuar te Empoli. Drejtori sportiv i Milan, Massimiliano Mirabelli, shkoi në “Twitter”:
“Vendimi për të ndërprerë kontratë me Paletta është marrë me konsensus mes klubeve. Më duhet të përshëndes personalisht një njeri të madh dhe një futbollist të aftë. Një shembull për korrektësi dhe besnikëri sportive.”
Këtë vit, Paletta luajti vetëm një ndeshje me Milan, kundër Rijeka në Europa League./telesport/
