Drejtori i Milanit Massimilliano Mirabelli ka pranuar se sulmuesi i Torinos, Andrea Belotti “ende dëshiron të veshë fanellën që e ëndërroi si fëmijë”, duke iu referuar Milanit.
Kuqezinjtë gjatë verës insistonin për transferimin e sulmuesit italian, por Torino nuk uli çmimin prej 100 milionë eurove për të.
“Belotti? Tashmë është e njohur se tentuam ta sjellim te Milani, por ishte e vështirë për disa arsye”, ka thënë drejtori sportiv.
“Ai është lojtar i mirë, një fans i Milanit dhe ku i dihet… ndoshta një ditë do të veshë fanellën që e ëndërroi si fëmijë”, ka thënë Mirabelli.
