Klubi italian, Milani thuhet se mund të lërë çuditërisht Fabio Paraticin dhe të kërkojë një drejtor të ri sportiv për shkak të ‘çështjeve ligjore’. Drejtori ekzekutiv i kuqezinjve, Giorgio Furlani, kishte arritur një marrëveshje me Paraticin për t’u bërë drejtori i ri sportiv i kuqezinjve në edicionin 2025/2026, por përditësimet e fundit nga Italia sugjerojnë se marrëveshja është në prag të kolapsit.
Sipas gazetarit të Gazzetta dello Sport, Luca Bianchin, ‘pengesat ligjore janë shumë të larta’ kështu që gjigantët e Serie A ka të ngjarë të zgjedhin një kandidat tjetër për këtë post.
Edhe gazetari i SportItalia, Francesco Letizia raporton gjithashtu se marrëveshja mes Paraticit dhe Milanit është në prag të kolapsit.
Paratici po vuan dënimin 30-mujor për rritjen artificiale të fitimeve kapitale gjatë viteve të tij të fundit në Juventus. Ndalimi përfundon më 20 korrik, që do të thotë se Paratici nuk mund të përfundonte transferimet për kuqezinjtë apo ndonjë klub tjetër deri në atë datë.
Shqiptari Igli Tare dhe Tony D’Amico ishin lidhur më parë me rolin e drejtorit sportiv të Milanit.
Kuqezinjtë pritet të punësojnë një drejtor të ri me njohuri të thella të Serisë A dhe futbollit italian, që do të thotë se Tare dhe D’Amico janë favoritë ndaj Kim Falkenberg, Thiago Scuro dhe Markus Krosche të Eintracht Frankfurt. /Telegrafi/
