Fitojnë çdo vit miliona euro dhe jetojnë shpesh mes luksit. Por me sa duket yjet e futbollit italian janë edhe kurnacë të pashembullt, pasi akuzohen se nuk lënë bakshish.
Akuzat ngrihen nga “Riders Milano”, grupi i çiklistëve me pagesë që shpërndajnë në shtëpi pako të ndryshme me ushqime apo rroba që njerëzit kanë porositur. Në një postim në rrjetet sociale, ata kanë publikuar listën e zezë të atyre që nuk lënë kurrë bakshish pasi marrin porosinë, për një shërbim i cili gjithsesi u shkon në kohë pavarësisht kushteve atmosferike.
Lista ka shumë emra të njohur të zonës së Milanos dhe Torinos, emra të cilët nuk fusin kurrë dorën në xhep përballë sakrificës së këtyre personave të cilët mundohen të fitojnë jetesën në këtë mënyrë.
Kristian Abiati, Paolo Kanavaro, Danilo D’ Ambrozio, Leonardo Bonuçi, Mauro Ikardi dhe Uanda Nara, Gonzalo Higuain dhe Filip Mekses janë emrat e padëshiruar të çiklistëve, të cilët i kanë turpëruar publikisht duke i etiketuar si kurnacët më të pashembullt, po të llogaritësh milionat që fitojnë apo kanë fituar nëpërmjet futbollit. /vipsport/
