Ministria e Financave Anila Denaj ka “ngrirë” klubet e Superligës dhe Ligë Profesioniste. Edhe pse ditën e sotme kishte një takim mes Presidentit Duka dhe Kryeministrit Rama për zgjidhjen e bojkotit, Ministria u shpreh se vazhdojnë t’i qendrojnë prozimit të tyre, ndërsa e cilësoi si pozitive takimin e sotëm. E ftuar në emisionin “Sport News” në News 24, Ministria Denaj u shpreh:
Takimi Rama-Duka? “Më herët jemi takuar me përfaqësuesit e Ligës për të diskutuar disa nga pikat që kanë shtruar për zgjidhje në Ministrinë e Financave. Ne kemi ardhur me një propozim shtesë në kuadër të Ligjit të Sponsorizimit dhe shpresojmë që diskutimi të vijojë për një zgjidhje permanente.
Besoj se ne sot mund të flasim vetëm për një dialog dhe zgjidhjen do ta shikojmë në ditët në vijim nëse të dyja palët do të kuptojnë se cilat janë argumentat nga Ministria e Financave dhe pse japim këto propozime”.
Çfarë ka ndryshuar? “Ne gjithmonë kemi qenë të hapur për dialog dhe jam e kënaqur që jemi ulur për të folur pasi nuk mund të flasim në distancë. Më herë lidhur me këtë çështje unë kam thënë se pse ne nuk mund të pranojmë pikën e tyre të parë në raport me tatim fitimin që një pjesë e konsiderueshme të shkojë automatikisht në formatin që ata thonë dhe të nxisim Ligjin e Sponsorizimit e me dy ndryshimet që janë ne propozojmë edhe një ndryshim të 3-të që shkon për të rritur financimet në sport.
Ne I qendrojmë kësaj linje duke i sjell një element të 3-të për ta pasur e për t’I dhënë një nxitje të madhe. Lidhur me TVSH ne i përmbahemi BE dhe nuk mund të lëvizim nga kjo dhe kishim mirkuptimin e palës tjetër. Falja e gjobës është një çështje më e gjerë që do të kërkojë një qasje për të gjitha gjobat e kjo do të më shumë kohë e nuk lidhet me Ligën”.
Ku ndahemi ju me ligën? “Mënyra është ajo që ne ndahemi me Ligën pasi ne i qendrojmë metodologjisë tonë që bizneset që duan të sponsorizojnë të ndjekin Ligjin e Sponsorizimin që po përmirësohet. Liga ka kërkuar një pjesë të shkëputet automatikisht nga tatimi dhe të kalojë për sportin e futbollin në veçanti. Ne mendojmë që Ligji i Sponsorizimit është më I qendrueshëm dhe më transparent dhe i mbetemi këtij opsioni si Ministri Financash”.
Presidenti Duka është shprehur e Ligji i Qeverisë nuk prodhon asnjë të ardhur? “Nuk mund të debatoj në distancë me zotin Duka. Nëse do të ishte në tavolinë me ne sigurisht që ne do të debatonim për këtë çështje. Kishte nisur persona të tjerë, të cilët ishin të mendimit ndryshe”./newsport/
