Trajneri i Laçit, Mirel Josa, foli për MCN TV, pas ndeshjes ku skuadra e tij fitoi 2-0 ndaj Skënderbeut.Tekniku i kurbinasve, deklaroi se ekipi mund ta kishte pësuar në pjesën e parë, por shtoi se qarkullimi i topit u rregullua në pjesën e dytë.
Sipas tij, nuk janë asgjë dy fitore, pasi i ka arritur edhe më parë, por një rezultat negativ mund të ndryshojë gjithçka.
“Ne pjesën e parë edhe mund të kishim pësuar. Skënderbeu e kishte rastin dhe kanë dy sulmues shumë të mirë. Mendimi im është që ne duhet të kishim qetësi më të madhe në qarkullimin e topit.
Me rezultatin e rregulluam në pjesën e dytë. Nuk mund të themi gjë për dy fitoret, apo nuk janë asgjë për mua, sepse me një rezultat negativ kemi folur ndryshe. Është një skuadër e re dhe që do të mësojë. Unë jam këtu për të mësuar këto lojtarë.
Ne kemi vendosur me një 4-3-3, por nuk është problemi te vendosja, por te iniciativa e lojtarëve.
Skënderbeu mori frenat e lojës në fillimet e pjesës së dytë dhe harxhoi shumë, pavarësisht se nuk kishin raste të pastra. Ishin vetëm dy goditje të Liços nga lart. Forca e Skënderbeut ra dhe ishim më të lirshëm për të dalë përpara.
Goli i dytë u bë në një moment shumë të keq. Me atë goditje që i dhamë Skënderbeut, mendoj se u mbyll gjithçka pas golit të dytë”- u shpreh Josa.
