Juventusi ka marrë një pikë mjaft të rëndësishme në “San Siro”. Bardhezinjtë reaguan kur ishin në disavantazh dhe e dërguan ndeshjen nga 4-2 në shifrat 4-4.
Tiago Mota ka thënë në konferencë për shtyp pas përfundimit të takimit se kjo e sotmja ishte një lojë për t’u marrë në studim. Trajneri i Juventusit ka përgëzuar skuadrën e tij që tregoi se ka aftësinë të garojë me një ekip pretendent për titullin kampion
“Sot ishim të aftë të garonim kundër një prej dy favoritëve për të fituar kampionatin, duke luajtur mirë në disa momente dhe më pak mirë në momentet kur vuajtëm.
Është një lojë për t’u studiuar mirë, në mënyrë që të kuptojmë momentet e ulje-ngritjeve që kemi. Por sot gjithashtu dolëm nga vështirësitë me lojë dhe e përfunduam ndeshjen më mirë se kundërshtari”, ka deklaruar Tiago Mota./Sport Ekspres/
