Dje në mbrëmje, televizioni spanjoll “La Sexta” pat deklaruar se trajneri porugez Jose Mourinho kishte dhënë “OK” e tij për transferimin e Cristiano Ronaldo nga Real Madrid te Manchester United, një rikthim i bujshëm që do të ndodhte verën e ardhshme. Por sot në mbrëmje, e përditshmja “Marca” ka deklaruar të kundërten, duke thënë se transferimi i sulmuesit portugez në Manchester nuk do të ndodhë. Kalimi i Alexis Sanches te “djajtë e kuq” ka bllokuar këtë rikthim, duke cituar pikërisht trajnerin Mourinho, që ka thënë:
“Për CR7 nuk ka hapësira në sulm, tashmë jemi të kompletuar”.
Futbollisti portugez Cristiano Ronaldo
Ronaldo ka konfirmuar dëshirën e tij për t’u rikthyer në Premier League e sidomos te United, ku dhe ndërtoi famën e tij, para se të largohej në Madrid. Por nëse kjo gjë ndodh, ai nuk do ta ketë vendin e sigurtë. “Marca” shprehet se trajneri portugez ka frikë se ardhja e Cristiani Ronaldo mund të krijojë probleme në skuadër, pasi do të rritej ndjeshëm numri i sulmuesve. Te “djajtë” janë në repartin e avancuar edhe Lukaku, Martial, Rashford, Ibrahimovic e së fundi edhe Alexis Sanchez, çka do të linte shumë të pakënaqur. Për më tepër që numrin 7, atë që Ronaldo mban në shpinë, tashmë do ta ketë pikërisht kiliani Sanchez./telesport/
