Trajneri Panuçi ka zhvilluar sot seancën e parë stërvitore në kuadër të ndeshjes me Skocinë, që luhet ditën e shtunë. Ka disa mungesa për këtë ndeshje, siç janë Hysaj dhe Basha për kartonë, ndërsa Manaj është i dëmtuar, përveç atyre që dihen më parë.
Por në seancën e parë, të zhvilluar në resortin “Tropikal” në Durrës, kanë munguar Eros Grezda dhe Ermir Lenjani, por mësohet se ata kanë dëmtime të lehta dhe nuk rrezikojnë për ndeshjen me Skocinë. Të dy kanë luajtur në kampionat me skuadrat e tyre dhe nuk përbëjnë problem për trajnerin Panuçi.
Seancën e parë si kuqezi ka zhvilluar sot edhe Ardjan Ismajli, i cili grumbullohet për herë të parë me Shqipërinë.
Deri ditën e shtunë, kur luhet ndeshja, trajneri italian do të shohë gjendjen e gjithë futbollistëve për të vendosur për skemën e lojës, por mbi të gjitha për ata që do të zëvendësojnë në ndeshjen e radhës titullarë të rëndësishëm si Hysaj dhe Basha./vipsport/
