Mungoi ne dy ndeshjet e fundit ne formacionin e Vllaznise dhe skuadra ka zhvilluar ndoshta takimet me te dobeta te saj. E kemi fjalen per brazilianin Hygor Guimaraes Goncalves, mungesa e te cilit ka ndikuar dukshem ne manovren sulmuese te kuqebluve ne 180 minutat e fundit.
Si ne Laç javen e kaluar, edhe mbreme ndaj Bylisit, skuadra shkodrane e pati shume te veshtire te organizoje sulmin e saj. Kjo ka bere qe te rritet edhe me shume vlera e brazilianit per kete skuader i cili eshte dalluar jo vetem per asistet por edhe per shenimin e tre golave.
Megjithate tashme ka nje lajm te mire. Trajneri Mirsad Jonuz ka bere te ditur se prej dites se djeshme Hygor ka dale ne stervitje dhe sot nderkohe i eshte bashkuar ekipit ne stervitje.
Gjasat jane qe ai te jete ne fushe diten e premte ndaj Tiranes. Ky padyshim qe eshte nje lajm i mire per Vllaznine e cila e konsideron kete lojtar shume te rendesishem.
Por sakaq, per mesfushorin brazilian duket se problemet nuk paskan fund. Menjehere pas ndeshjes me Tiranen, Hygor do te niset drejt vendit te tij pasi nga sa mesohet, ka nje problem te rende familjar dhe i duhet te jete prane saj per disa dite.
Drejtuesit e klubit i kane dhene leje per kete gje, duke shpresuar qe te kthehet sa me shpejt te jete e mundur ne menyre qe te kape ritmin e skuadres dhe te jete i gatshem per sfiden tjeter, ate ndaj Teutes.
www.shkodrasport.com
