Zhoze Murinjo mund të njihet ditën e sotme me vendimin e Gjykatës Federale në Itali për shkak të sjelljes së gabuar që trajneri portugez ka pasur karshi arbitrit në ndeshjen përballë Monzës në datën 3 maj.
Murinjo u shpreh pas ndeshjes se arbitri Kifi ishte arbitri më i dobët që kishte parë ndonjëherë në karrierën e tij.
Kjo ka bërë që për trajnerin të nisë një hetim nga Gjykata dhe me shumë gjasa do të ketë një pezullim për, vendim ky që do të ishte i dyti në pak ditë sepse UEFA e dënoi me 4 ndeshje pezullim nga kompeticionet europiane.
Megjithatë, drejtuesit e Romës kanë nisur nga puna për të negociuar me Gjykatën Federale dhe shpresojnë që dënimi për Murinjon të jetë vetëm një gjobë financiare. Në këtë mënyrë, Murinjo do të shpëtonte pa u pezulluar, por me kushtin që duhet të kërkojë falje publikisht me anë të një deklarate për shtyp.
