Javën e shkuar zëvendëspresidenti i Federatës Gjermane të Futbollit, Jans-Joakim Vacke, tha me bindje se ata nuk kishin asnjë kontakt me Julian Nagelsmanin rreth postit të trajnerit në përfaqësuese, pavarësisht se “SPORT1” i kishte bërë fakt të kryer bisedimet mes palëve.
Ditën e djeshme prestigjiozja “Bild” raportoi versionin e saj se përse ka ngecur afrimi i ish-teknikut të Bajernit në kombëtare. Mediumi i mësipërm pohon se Nagelsmani nuk ka siguri deri në këtë pikë se federata do t’i propozojë kontratë më të gjatë përtej “Euro 2024”.
7Pra, hipoteza e Julianit, sipas “Bild”, koincidon me zgjedhje opsionale deri në përfundimin e kampionatit europian dhe 36-vjeçari më pas duhet t’i linte vendin një tjetër trajneri më serioz në pankinë, krahas alternativave aktuale.
Nagelsman është i gatshëm t’i thotë “po” Gjermanisë, nëse ata i servirin kushte bashkëpunimi deri në Botërorin e vitit 2026. Në bazë të këtij skenari thuhet se ai do ta kishte më të lehtë aplikimin e filozofisë dhe ideve në kontingjentin e kampionëve të 4-fishtë.
