Nata e sotme ka qenë me dy fytyra për Serxhio Ramos. Nga njëa anë, ai shkroi emrin e tij në librat e historisë duke u bërë futbollisti europian me më shumë ndeshje të luajtura me kombëtaren, duke regjistruar të 177-ën me fanellën e Spanjës.
Por më pas, gjatë ndeshjes ndaj Zvicrës, ai u bë protagonist absolut negate duke humbur 2 penallti në një duel.
Ramos vlerësohet si i pagabueshëm nga pika e bardhë, ndërsa statistikat e tij flitnin për 25 të ekzekutuara saktësisht radhazi para duelit të sotëm. Por në fillimin e pjesës së dytë ai gaboi përballë Jan Somer, me portierin zviceran që gjeti krahun e goditjes.
Pak minuta më vonë, Ramos u shfaq përsëri në pikën e bardhë të penalltisë, për të tentuar edhe një herë tjetër që të barazonte rezultatin i cili në ato momente ishte 1-0 për Zvicrën.
Këtë radhë provoi një “Panenka” por e goditi topin shumë keq, aq sa Somer e priti me shumë lehtësi duke turpëruar Ramos, i cili u shtang në vend pasi nuk e priste një përfundim të tillë. Një natë për t’u kujtuar e për t’u harruar njëkohësiht për mbrojtësin spanjoll. /vipsport/
