Nga Endri ÇINARI
Ekipi i Vllaznisë i ka nisur të mërkurën përgatitjet për ndeshjen e rradhës kundër Egnatias. Duel që do luhet për raundin e 31-të të Superiores dhe do zhvillohet ditën e mërkurë në Rrogozhinë.
Një ndeshje direkte mes dy ekipeve që kërkojnë dy vendet e para në klasifikim. Ku për shkodranët pritet të jetë më përcaktuese, duke parë që kuqeblutë janë disi “prapa” në renditje, shkruan shkodrasport.com
Në një transfertë të tillë, 9 herë kampionët e vendit udhëtojnë me një mungesë të sigurt. Fjala është për Eslit Salen, i cili ndaj Skënderbeut plotësoi numrin e kartonave. Kjo pasi në minutën e 78-të të sfidës ndaj korçarëve u ndëshkua me kartonin e verdhë. Duke e bërë kështu të pamundur pjesëmarrjen e tij në duelin e rradhës ndaj rrogozhinasve.
Përsa i përket futbollistëve të tjerë, ata pritet të jenë të gjithë nën dispozicionin e Thomas Brdariç. Me trajnerin gjerman që sheh grupin thuajse të kompletuar në 100% të tijin. Ku vetëm Serjan Repaj ende duhet të gjejë formën dhe ritmin e duhur pas dëmtimit që pësoi para pak javësh.(www.shkodrasport.com)
