Kur ka qene vete arbiter nuk i kane bere pershtypje kur klubet akuzonin arbitrat, madje edhe vete ate, per njeanshmeri dhe gjykime tendencioze.
Sot nderkohe, ish- asistenti i FIFA-s Ermal Barushi qe tashme punon si administrator i KF Dinamo, ka akuzuar ish- koleget e tij per arbitrime tendencioze, duke filluar nga ato te javes se kaluar ne ndeshjen me Veleçikun e per te vazhduar me te sotmit kunder Terbunit.
Barushi madje ka mberritur deri aty sa i konsideron ne deklaranen e bere arbitrat si “te papergjegjshem”. Megjithate eshte vetem fillimi i tij ne kete detyre dhe me siguri do te shohe shume ne te ardhmen. Ja deklarata e bere prej tij:
“Në emër të FK Dinamo dhe në cilësinë e zyrtarit të klubit, e dënojmë me ashpërsi sjelljen tendencioze dhe aspak profesionale të një arbitri në ndeshjen e sotme! Me turpin më të madh dhe si një ish-arbitër e dënoj me ashpërsi këtë maskarade!
Gjatë javës u fol se klubi Blu po ushtronte presion karshi Federatës për arbitrat, akuza të pabaza nga ekipi kundërshtar dhe nga segmente te tjera që mesa duket veprojnë me moton “hidh gurin e fshih dorën”, sepse në fushë u pa krejt e kundërta! Nga kartonët e faullat, arbitër që goditet e kërcënohet nga lojtarët, e turpshme, në mes të Tiranes.
Kartonët me kursim ndaj ndërhyrjeve të rënda dhe deri tek dënimi qesharak i Kolgegës me karton të kuq. Nuk është hera e parë që Dinamo dënohet nga gjykimi, mos harrojmë që ndeshjen e kaluar me Velecikun, u dënuan me kartona dy lojtarët kryesorë, kapiteni Boçi si dhe sulmuesi kryesor Pontrelli.
Kartonët, dua të theksoj jo për ndërhyrje ose faulla teknik! Nuk është hera e parë që Dinamo dënohet nga gjykimi, ama në këtë fazë delikate të kampionatit, është e turpshme të sulmohemi në këtë menyrë!
Ne i qendrojmë besnikë lojës së bukur e të ndershme në fushë, si dhe kërkojmë më tepër respekt për këtë fanellë legjendare qe ka bërë histori në futbollin Shqiptar.
Planet dhe investimet në të ardhmen e afërt nuk mund të shkojnë dëm nga njerëz të papërgjegjshëm, njerëz që po mundohen ta kthejnë futbollin vite pas, pa Fair Play dhe mes aleancash.
FK Dinamo, 18 herë kampione e vendit, e shquar historikisht për Fair Play, kërkon nga instancat përkatëse një reagim të fortë për atë çka ndodh në mes të ditës me diell! Ermal Barushi, administrator i FK Dinamo”, shkruan klubi dinamovit. / abcnews.
