Aventura e mesfushorit shkodran Ndriçim Shtubina tek skuadra e Kukësit ka zgjatur vetëm 6 muaj. Ndryshe nga sa pritej, ai bashkë me dy lojtarë të tjerë, pikërisht Millosh Kërkotiç dhe Rexhep Meminin, nuk kanë përmbushur pritshmëritë e klubit dhe kësisoj pritet që këto ditë të ndërpresin kontratën me klubin kukësian. Ende nuk është e qartë nëse kontratat do t’i prishin me mirëkuptim apo do ketë prishje të njëanshme të saj nga ana e vetë klubit por fakti është se Shtubina nuk do të jetë më pjesë e kësaj skuadre.
Ditët e fundit ka filluar të flitet për një mundësi rikthimi të tij tek Vllaznia por ende nuk ka asgjë të qartë në këtë mes. Brenda një periudhe të shkurtër pritet të mësohet më tepër në këtë drejtim.
