Numri i futbollistëve që po largohet nga Kategoria Superiore në drejtim të kampionateve të huaja, sa vjen e rritet ku duket se nuk ka mjaftuar vetëm largimi i Bilalit, Zhufos apo Muaremit drejt Maqedonisë pasi edhe shumë futbollistë të tjerë po ikin drejt Kosovës.
Së fundmi, është radha e mesfushori të Laçit, Ndriçim Shtubina për t’u larguar drejt Kosovës, ku pritet të bashkohet me Trepçën 89’, trajner i së cilës është Gugash Magani.
Sipas asaj që raporton “Supersport”, Magani ka paraqitur një ofertë në drejtim të Shtubinës, ofertë e cila mund të merret në konsideratë nga shkodrani, duke qenë se bashkëpunimin me Laçin e ka mbyllur.
