Ditën e sotme Franca mbylli “qepenat” e futbollit, për tu rikthyer të paktën në shtator. Një vendim surprizues, që mund të ndikojë edhe në të ardhmen e ligave të tjera të rëndësishme. Radha për të marrë një vendim është e Gjermanisë. Ndryshe nga Franca, futbolli atje pritet të rinisë.
Autoritetet prej ditësh kanë dhënë shpresa rifillimi, ndërkohë të gjitha skuadrat kanë nisur stërvitjen në kushte të rrepta higjenike dhe distancimi. Javën e ardhshme qeveria gjermane pritet të marrë një vendim përfundimtar.
Pritet të luhet pa tifozë deri në fund të kampionatit. Ky insistim i madh për të luajtur nga ana e Federatës gjermane vjen për shkak të gjendjes së vështirë financiare të klubeve të Bundesligas dhe Bundesliga 2.
Më shumë se 13 klube janë pranë falimentimit dhe paratë nga e drejta e transmetimit do të ishin një ndihmë esenciale. /vipsport/
