I transferuar në janar me shumë bujë në Francë ku u bë pjesë e Metz, Xhuliano Skuka nuk ka arritur të tregojë kualitetin e tij dhe prej javësh tashmë është pjesë e skuadrës së dytë të Metz.
Ish-sulmuesit të Partizanit nuk i është dhënë shumë besim këtë sezon nga trajneri. I pyetur në një konferencë shtypi për Skukën, tekniku u përgjigj duke thënë se e ka pasur të vështirë ambientimin.
Kjo ka bërë që në Francë ta bëjnë të sigurt largimin e tij. “Socios-Metz” raporton se mungesa e minutave ka bërë që drejtuesit të marrin një vendim dhe Skuka të largohet në merkaton e verës.
Këtë sezon me Metz, Skuka ka luajtur në 9 ndeshje, duke numëruar vetëm 68 minuta lojë.
