Çfarë po ndodh me Valon Berishën? Kjo është pyetja që bëjnë të gjithë në Itali, ku javën e fundit ka pasur një tjetër episod të diskutueshëm të marrëdhënies së mesfushorit të përfaqësueses së Kosovës me klubin.
Futbollisti ishte planifikuar titullar ndaj Kluzh, por për çudinë e të gjithëve, në stërvitjen fundit ndryshoi gjithçka, siç e shpjegoi vetë Simone Inzagi në konferencë për shtyp.
“Valoni u prezantua në fushë duke thënë se nuk ishte gati, nuk ishte i bindur dhe unë preferova që të mos e merrja mes të grumbulluarve pasi fola me mjekët dhe lojtarin”, shpjegoi trajneri.
Berisha vetë ka konfirmuar për mediat italiane se kishte frikë se mos pësonte të njëjtin dëmtim në kofshë si në ndeshjen me Kosovën. Por në mediat italiane ka filluar të përhapet lajmi nga burime brenda klubit se sjellja e Berishës nuk kishte lidhje me dëmtimin.
Sipas “Cittaceleste.it”, portal pranë klubit, futbollisti nuk kishte dashur të rrezikonte në një ndeshje me kaq pak rëndësi për bardhekaltrit që janë thuajse të eliminuar nga Liga e Europës.
Sjellje që nuk u kishte pëlqyer as futbollistëve të tjerë e as klubit, i cili mendohet se do të nxjerrë në shitje lojtarin që në janar. /vipsport.al/
