Vllaznia ia doli të merrte një pikë shumë të rëndësishme ndaj Tiranës në transfertë, në takimin e mbyllur me shifrat 1-1 (Kategoria Superiore). Fillimisht ishte Muçi që shënoi në minutën e 13-të, ndërkohë që barazspeshoi në të 80-tën Ymeri.
Lojtari i shkodranëve, Erdenis Gurishta ka bërë një postim në rjetet sociale menjëherë pas ndeshjes, ku “ngacmon” bardheblutë. Kapiteni shkruan: “Ju thjeshtë nuk mund të mposhtni dikë që nuk dorëzohet”.
Mesazh i qartë ky, që i drejtohet drejtëpërdrejtë rivalëve, me Klasiken që ka prodhuar përherë rivalitet. Kujtojmë që në konferencën e zakonshme për shtyp përpara takimit, trajneri i kryeqytetasve, Nevil Dede ishte shprehur: “Me ken shkodran, tana i ban, por ne jemi Tirana”.
Vllaznia renditet në vendin e parë të Kategorisë Superiore, ku ka grumbulluar 26 pikë./newsport/
