Në Kosovë kampionati ndodhet në javën e 26-të, teksa përveç klubeve të cilat janë në rivalitet të ashpër sa i përket kryesimit, një “luftë” e ngjashme është edhe ajo që bëhet me golashënuesit.
Listën e golashënuesve në kampionatin kosovar e kryeson ish-futbollisti i Teutës, Artur Magani, i cili së bashku me Oto John dhe Mirlind Dakun kanë shënuar 11 gola deri në këtë fazë të kampionatit.
Tashmë sulmuesi i Lirisë, Magani është duke shkëlqyer në këtë aventurë të re në Kosovë, duke u shndërruar në një nga sulmuesit më produktiv.
Sulmuesi 23-vjeçar ka qenë një zgjedhje alternativë për Teutën në sezonin e shkuar, teksa durrsakët i drejtonte babai i Artur Maganit, trajneri Gugash Magani.
Nga pankina dhe një sezon thuajse i dështuar në Superiore i drejtuar nga babai i tij, te një sezon i suksesshëm në Kosovë, diferencat janë të dukshme për futbollistin e Lirisë. /vipsport/
