Mediat spanjolle kanë publikuar dje lajmin se Çabi Alonso është zgjedhja e Real Madrid për të zëvendësuar Karlo Ançelotin në pankinën e kësaj skuadre pasi italiani të largohet në verën e ardhshëm për të marrë drejtimin e Brazilit.
Një lajm që sigurisht ka qarkulluar edhe në konferencën për shtyp të vetë trajnerit aktual të “los blancos”, i cili ka preferuar që të mos konfirmojë apo përgënjeshtrojë këtë hipotezë rreth trajnerit që tanimë po drejton Bajer Leverkusenin.
Por Ançeloti nuk i ka shmangur lëvdatat për ish-mesfushorin.
“E njoh pasi e kam pasur futbollist. Ai ka një njohuri të madhe të futbollit dhe po bën gjëra të mëdha te Bajer Leverkusen. I uroj ashtu si Raul apo Arbeloa, që një ditë të drejtojnë Real Madridin, pasi është klubi më i mirë dhe jam shumë i lidhur më ta”, tha trajneri italian.
