Në ndeshjen mes Alanyasporit dhe Trabzonsporit në kuadër të Superligës së Turqisë është shënuar ndoshta goli më i çuditshëm ndonjëherë në histori të futbollit.
Alanyaspor ka fituar me rezultat 3-1 në shtëpi ndaj Trabzonsporit në ndeshjen e vlefshme për javën e 28-të në Superligën e Turqisë, të zhvilluar të hënën mbrëma.
Golat për vendasit u shënuan nga Oguz Aydin (5’, 38’) dhe Efecan Karaca (73’), ndërsa për mysafirët golin e vetëm e shënoi Nicolas Pepe (90+). Megjithatë, goli i dytë i ndeshjes i shënuar në minutën e 38-të ishte ai që vodhi gjithë vëmendjen.
Portieri i mysafirëve nisi ndeshjen nga vija e pesë metërshit, por qendërmbrojtësi Stefano Denswil nuk ishte i vëmendshëm.Denswil vazhdon të fliste me bashkëlojtarët duke harruar lojën dhe topin, ndërsa aty reagoi shpejt Aydin, i cili shënoi i pa penguar dhe në portën e zbrazët.
Ky gol i shënuar në Superligën e Turqisë ka pushtuar tashmë rrjetet sociale duke u bërë viral për mënyrën e gabimit të mbrojtësit të Trabzonspor. /Telegrafi/
