Analizë nga Nikoll Gjergji*
Vllaznia mendoj se bëri një paraqitje të mirë duke pasë parasysh se përballë nuk kishte ndonjë kundërshtar çfarëdo. Vërtetë Luftëtari vjen nga një kategori më poshtë por me blerjet që ka bërë, me lojërat që ka zhvilluar, ka treguar se është një ekip mjaft solid teksa barazoi në ndeshjen e parë në Kukës dhe pastaj mundi thellë Teutën në ndeshjen e dytë.Përgatitja për këtë ndeshje duhet pranuar se ishte pak e tensionuar.
Pra vetë futbollisti e kishte pritur pak me ankth këtë ndeshje sepse nuk pranohej asnjë rezultat tjetër përveç fitores. Për fat, goli erdhi shumë shpejt, që në minutën e tetë dhe pastaj punuan me qetësi. Megjithatë, më duhet ta pranoj se prej këtij ekipi unë pres më shumë.Në pjesën e dytë, kur ishim me një futbollist më shumë, Vllaznia u donte me lujt më lirshëm. Kur fiton sigurisht që nuk ka vend për shumë kritika, por e përsëris, kjo ndeshje nuk duhet t’i kënaqë futbollistët.Elementi është, shpenzimet janë bërë për të prit më shumë prej këtij viti. Vllaznia me lojtarët që ka në dispozicion dhe punën që po bëhet nga stafi drejtues, duhet të kërkojë më tepër.Minimumi që ky ekip duhet të kërkojë janë Kupat e Europës.Pozitive do konsiderojë faktin që çdo ditë që kalon, skuadra vjen duke u përmirësuar. Këtë e pamë edhe nga ndeshja e Kukësit tek kjo me Luftëtarin. Dy javët e pushimit që kishte skuadra për shkak të ndeshjeve të kombëtares, ndikuan për mirë tek futbollistët. Edhe kjo javë që është në dispozicion për t’u përgatitur deri në ndeshjen me Apoloninë, mendoj se do shërbejë për mirë prandaj dhe jam i bindur se edhe me këtë kundërshtar, Vllaznia do të fitojë.
*Specialist futbolli
