Pas ndeshjes së humbur me Pogradecin për kupë me rezultatin 1-2, trajneri i Adës Samuel Nikaj ka bërë të ditur se objektivat e skuadrës që ai drejton nuk kanë qenë të përqendruara tek ndeshjet e kupës por tek ajo e rradhës në kampionat me Ilirinë.
“Ishte një ndeshje që nuk e kemi vlerësuar maksimalisht sepse Kupa e Shqipërisë nuk është në objektivat tona. Jam i kënaqur me një pjesë të lojtarëve që luajtën sepse dhanë maksimumin ndërkohë që disa të tjerë nuk më kënaqën. Kam lënë pushim 5 futbollistë të formacionit të parë dhe kam aktivizuar lojtarë të formacionit të dytë në mënyrë që të përgatitemi maksimalisht për ndeshjen e Kampionatit që e kemi në fundjavë me Ilirinë. Më vjen mirë që u bë një ndeshje e bukur në Velipojë dhe tifozët u kënaqën me të dy ekipet” – Samul Nikaj.
