Juventusi ka një çështje “Higuain” për të zgjidhur në merkato, sepse duke parë që Çelsit i është konfirmuar bllokimi i merkatos deri në verën e ardhshme, argjentinasi do të kthehet në Torino.
Gjithsesi, bardhezinjtë po punojnë që ta bëjnë sa më të shkurtër transitin e “Pipitas”, duke ia ofruar së fundmi Romës. Drejtori sportiv, Fabio Paratiçi, ka nisur kontaktet me kryeqytetasit duke iu ofruar atyre kartonin e Gonzalos, por ndërkohë pretendojnë 3 lojtarë: mundësia e parë dhe më e rëndësishme është ajo e një shkëmbimi kokë më kokë me Zaniolon, me Juven e gatshme të shtojë edhe 10 milionë euro për mesfushorin; ndërsa kërkesa e dytë është ajo e transferimit të Higuainit në Romë, në këmbim të bomberit Xheko dhe mbrojtësit Manolas.panorama-sport/
