Do te nise diten e hene ne Shkoder kursi i rradhes per trajner i organizuar nga Federata Shqiptare e Futbollit ne bashkepunim me UEFA-n dhe ne fund te tij trajneret pjesmarres do te paisen me licensen “UEFA C”.
Gazeta “Shkodra Sport” meson se do te jene rreth 40 trajnere te cilet jane rregjistruar dhe do te marrin pjese ne kete kurs i cili do te zhvillohet i ndarë në tre periudha leksionesh e më konkretisht në datat 10-13 qershor, 2-4 shtator dhe 7-9 tetor.
Kursi i licencës UEFA C është i bazuar në katër shtylla që janë: trajneri, lojtari, ndeshja dhe ambienti, ndërkohë që kjo licencë është edhe baza e trajningut prej nga ku nis edhe rrugëtimi për t’u bërë trajner profesionist.
Të gjithë personat që pajisen me licencën e trajnerit “UEFA C” kanë mundësinë të trajnojnë skuadra në futbollin amator dhe mund të punojnë si zëvendës-trajnerë me ekipet e moshave që marrin pjesë në kampionatet e të gjitha niveleve të organizuara nga FSHF në vend.
