Mungesa e alternativave në repartin e mbrojtjes ka qenë gjithnjë një problem shqetësues për stafin teknik të Vllaznisë. Dhe sidomos bëhet fjalë për qendrën e këtij reparti që kishte të gatshëm vetëm dy futbollistë, Orelesin dhe Pjeshkën. Por në fakt, tashmë duket se po nisin problemet për trajnerin Gjoka. Orelesi ka tre kartona të verdhë dhe nëse merr edhe një tjetër, do të jetë i skualifikuar pastaj për ndeshjen e rradhës. Ndërkohë në skenë ka dalë një tjetër problem. Mbrojtësi tjetër Pjeshka ka pësuar një dëmtim dhe është në dyshim nëse do të luajë apo jo në sfidën e nesërme ndaj Lushnjës. Stafi mjekësor është marrë shumë dy ditët e fundit me të dhe po bën çmos që ta rikuperojnë për takimin me lushnjarët por ka pak gjasa të ndodhë. Sakaq, në rast mungese të tij, përkrah Orelesit pritet të luajë Gurishta ose ai mund të spostohet në të majtë dhe aty të luajë Marku. Ndërkohë stafi teknik pritet të grumbullojë për këtë takim lojtarin Samet Ruqi i cili luan në repartin e mbrojtjes me ekipin “Vllaznia B”
© shkodrasport.com
