Tomas Guidara duket se është një opsion serioz për mbrojtjen e kombëtares sonë. Nga ajo që raportohet nga mediat argjentinase, përkatësisht “ Mundod.Lavoz”, thuhet se trajneri Panuçi do të kalojë oqeanin javës që vjen për të takuar mbrojtësin e Belgranos.
Ky i fundit është me prejardhje shqipëtare dhe tekniku Italian do të mundohet ta bindë të veshë fanellën e kombëtares sonë. 22-vjeçari luan si mbrojtës i djathtë.
“ E di kush është, e kam parë, por nuk kemi folur”, komentonte Panuçi përpara disa muajsh kur u pyet për argjentasin. Tashmë duket se tekniku i kombëtares sonë do ta kaloj “topin” në anën e futbollistit, nëse ky i fundit dëshiron të jetë pjesë e kombëtares sonë apo jo.
Nje pervoje e tille per marrjen e lojtareve te huaj ne kombetare, eshte aplikuar nga shume kombetare te Botes dhe nuk perjashtohet mundesia qe ta beje edhe Shqiperia.
Por ende nuk eshte e qarte nese kjo do te ndodhe me Guidaren apo ndonje futbollist tjeter. Nga Federata Shqiptare e Futbollit ende nuk ka asnje sinjal ne lidhje me kete gje.
