Ndriçim Shtubina ka tërhequr vëmendjen e të gjithëve në futboll këto ditë, pasi iu nënshtrua testeve për Koronavirus dhe ishte në ankth të përgjigjes, që më pas për fatin e mirë doli negative.
Në një prononcim të dhënë së fundmi, futbollisti i Vllaznisë i ka bërë thirrje të gjithëve të qëndrojnë në shtëpi dhe të mos e neglizhojnë këtë situatë, ashtu siç bëri edhe vetë futbollisti. Gjithashtu Shtubina tha se nga kjo situatë e pezullimit, të gjithë futbollistët do të humbin shumë.
“Gjendja shëndetësore? Po kam bërë testin dhe ka dalë negativ dhe është një lajm i mirë. Nuk kisha shqetësime , por bëra testin që të isha sa më i qetë. Kjo nuk është një situatë e mirë dhe duhet të kemi shumë kujdes. I bëj thirrje të gjithëve të qëndrojnë në shtëpi. Të them të drejtën edhe unë e ka neglizhuar këtë situatë.
Unë kam kontaktuar me mjekun dhe pas analizave më tha se duhet të qëndroj në shtëpi dhe më pas të shohim se çfarë do ndodhë. Është e vështirë të qëndrosh në shtëpi. Kur mora përgjigjen e analizave isha më i qetë, duhet të qëndroj edhe larg fëmijëve.
Një futbollist humbë shumë gjëra kur qëndron në shtëpi, është shumë e dëmshme për një lojtar. Megjithatë duhet të zbatojmë të gjitha rregullat sepse janë në të mirën tonë.
Duke parë situatën ku ndodhemi do të jetë e vështirë për tu rikthyer te futbolli. Garanci për financat? Kemi marrë një garanci, por janë disa proceduar që duhen ndjekur, pasi në varemi nga bashkia.”, u shpreh Shtubina për “News 24”.
