Në numrin e sotëm “Guardian” tregon rastin e Nick Pope, portierit të Burnley, i cili para 8 vitesh aktivizohej në ligën e shtatë angleze, dhe në kohën e lirë punonte si shitës qumështi me qëllim që të mbante ekonomikisht familjen.
Por, nesër ai mund të mbrojë portën e Anglisë në miqësoren kundër Holandës.
Karrierën e ka nisur tek akademia e Ipswich Town, por drejtuesit nuk patën besim tek ai dhe vendosën ta shisnin tek Bury Town, ekip që aktualisht militon në kategorinë e tetë.
Këtë periudhë ai e shfrytëzoi për të vazhduar studimet, deri në momentin kur skuadra e Charlton shfaqi interes për të.
Por fati e solli që të huazohej tek disa ekipe në kategoritë e ulëta. “Kuptohet që kur nuk të japin besim që kur je 16 vjeç është diçka e rëndë, fillon e humb shpresën, por ia vlejti për diçka pasi fillova studimet.
Kurse në kohën e lirë punoja si shitës qumështi, por kjo nuk më pengoi të luaja 150 ndeshje në nivelin amator” shprehet Pope kur tregon për fillimet e tij.
“Një tjetër periudhë e rëndë ka qënë tek ekipi i Aldershot, pasi mu desh të kaloja gjithë ato sprova, për të arritur këtu jam, dhe në shtator të 2017 kundër Crystal Palace u lëndua portieri Tom Heaton dhe ja… erdhi rasti im”.
“Po shijoj momentin tim por tashmë ambiciet e mia nuk përfundojnë këtu, pasi dua të tregojë cilësitë e mia” shprehet Nick Pope.
Nick Pope gjatë gjithë karierës së tij ka mbrojtur portën e skuadrave amatore, deri sa erdhi momenti i artë tek Burnley, në Premier League dhe ku kulmi është aktivizimi me kombëtaren angleze. /EDS/
