Në ndeshjen e sotme ndaj Tërbunit, me Vllazninë për disa minuta në pjesën e dytë ka luajtur edhe një futbollist malazez i ardhur për provë. Bëhet fjalë për Jovica Kontiç i cili luante si mbrojtës teksa ka qene pjese e ekipit te Cetinjes kohet e fundit. Ai ishte 20 vjeç dhe madje ishte stërvitur me ekipin dy ditët e fundit edhe në Ulqin ndërsa sot ka patur shansin e tij të tregojë vlerat në fushën e lojës. Por për aq minuta sa ka luajtur, nuk ka bindur dhe për këtë arsye, stafi teknik e ka larguar nga skuadra.
“Jo nuk është në planet e mia ky lojtar. Erdhi për t’u testuar dhe kushdo që mund t’i bjerë derës, tek Vllaznia e gjen hapur, pra mund të provohet por ky lojtar nuk është në planet e mia”- është shprehur trajneri Gjoka për të. Kjo do të thotë se nuk priten afrime të tjera deri në ditën e fundit të mbylljes së merkatos.
© shkodrasport.com
