Në ndeshjen më të rëndësishme të sezonit deri në këto moment, atë të gjysmëfinales së parë të Kupës së Shqipërisë, Vllaznia do vuajë mungesën e disa titullarëve.
Trajneri Thomas Brdariç do të ketë me të vërtetë një “dhimbje koke” për të ndërtuar një formacion kundër Dinamos, ku tashmë e konfirmuar është mungesa e Bekim Balajt, ndërsa jashtë sfide duket edhe Bajrami e në dyshim edhe futbollistë, si: Stojanoviç dhe Mensah. Kështu, nga porta do ta nisë Jukaj.
Në krahun e djathtë të mbrojtjes do pozicionohet Gurishta, i cili në rast mungese të Stojanoviç që është parashikuar si titullar, mund të zhvendoset edhe në qendër. E ndërsa do jetë sërish Krymi në pozicionin e qendër mbrojtësit tjetër dhe Jagon majtas që plotëson repartin e prapavijës. Në mesfushë është sërish Mala që aktivizohet.
Ku së bashku me Deliun dhe Salën do të formojnë treshen e këtij reparti. Në sulm, në mungesë të Balajt do ta udhëheqë repartin e avancuar Mensah. Me ganezin që po ashtu ka shprehur shqetësime fizike në ndeshjen e fundit kundër Dinamos në kampionat.
Nga krahët e sulmit, priten Gruda djathtas dhe Dodaj në majtë për të kompletuar formacionin kundër Dinamos që shfaqet mes shumë dilemash për 9 herë kampionët e vendit.
