Institucioni i futbollit europian (UEFA) duket se eshte shume rigoroze ne zbatimin e rregullores te saj per te gjithe kompeticionet qe ajo organizon. Pas vizites se dy specialisteve te saj nje jave me pare per te inspektuar te gjithe stadiumin “Loro Boriçi”, ku Vllaznia e femrave do t’i luaje ndeshjet e fazes se grupeve te Liges se Kampioneve, dje ka qene ne Shkoder nje tjeter pjestar i saj.
Kete here ka ardhur nje specialist i fushes, bashke edhe me paisjet perkatese per te vezhguar çdo gje qe ka te beje me te, si ne siperfaqe ashtu edhe poshte saj. “Shkodra Sport” meson se i derguari i UEFA-s nuk ka mbetur i kenaqur me gjendjen e fushes ku do te luajne edhe Reali, edhe PSG dhe Çelsi.
Verejtjet e tij kane qene dhe per barin dhe pjesen siperfaqesore, por me se shumti per pjesen nentokesore. Nga matjet e bera prej tij, rezulton se pjesa poshte tapetit te barit ka probleme dhe po ashtu, ka shkruar si verejtje edhe pjesen e ushqimit te pamjaftueshem te barit.
Ai ka lene edhe detyrat perkatese qe Vllaznia, me asistencen edhe te Federates Shqiptare te Futbollit, do te mundohen t’i permiresojne ne ditet ne vazhdim. Kjo nuk do te thote se vihet ne dyshim zhvillimi i ndeshjeve europiane ne kete fushe.
Por kuptohet qe gjendja e saj nuk eshte e mire dhe prandaj duhet nderhyre sa me pare ne te. Kujtojme qe sfida e pare e fazes se grupeve te Liges se Kampioneve te Europes ne futboll per femra, ajo ne mes Vllaznise dhe Real Madrid do te luhet me 20 tetor ne ora 18.45./SHKODRA-SPORT.COM/
