Nga Endri ÇINARI
Dy golashënuesit aktivë më të mirë në kampionatin shqiptar deri në këto çaste janë dyshja Balaj-Gruda. Dy sulmuesit e Vllaznisë kryesojnë tabelën e golashënuesve duke kontribuar shumë për ngritjen e kuqebluve. Balaj momentalisht është shënuesi më i mirë në Superiore me 13 gola në llogarinë e tij.
Nuk ngel aq pas as Gruda, që me 8 golat deri më tani po përjeton sezonin më të mirë në karrierë. Pas kësaj dysheje nga futbollistët shkodranë për shënimin e golave në Superiore është Ardit Nikaj. Prej 3 sezonesh pjesë e Skënderbeut, sulmuesi ka lënë totalisht pas problemet fizike.
Ku tashmë është një nga lojtarët kryesorë të formacionit korçar. 21-vjeçari ka arritur ta gjejë edhe 4 herë rrjetën në këtë edicion të Superiores. Duke treguar një rritje jo vetëm në nivelit të lojës, por edhe saktësisë para portave kundërshtare. Më mirë se Nikaj në rradhët e Skënderbeut ka bërë vetëm Franklin.
Me sulmuesin kryesor të bardhekuqve që ka shënuar 7 gola në Superiore. Për Nikajn ky duket një sezon shpërthimi, ku pas problemeve të vazhdueshme me dëmtimet është gjetur vijimësia. Ku edhe oferta të ndryshme janë në drejtim të sulmuesit, me Skënderbeun që është një ekip ekspert në shitjen e futbollistëve./SHKODRA-SPORT.COM/
