Sulmuesi shkodran Erald Maksuti, është rikthyer te goli me fanellën e Apolonisë. Futbollisti i ri, i njohur për talentin e tij, realizoi golin e katërt në këtë edicion futbollistik me Apoloninë, në sfidën e javës së 12-të të kampionatit ndaj Lushnjës.
19-vjeçari goditi me saktësi topin, i cili përfundoi në rrjetën e portierit të miqve. Në fakt, Erald Maksuti luan prej dy vitesh në Fier me ekipin e parë, por më parë ka qenë pjesë edhe e Akademisë së këtij klubi. Ndërkohë, këtë vit po ndihmon Apoloninë me synimin për t’u ngjitur në Abissnet Superiore dhe pikërisht deri më tani, Maksuti ka realizuar katër gola me fanellën e fierakëve.
Po ashtu, në ndeshjen midis Apolonisë dhe Lushnjës, në fushën e blertë luajtën edhe dy shkodranë të tjerë. Fjala është për Serjan Repajn që është pjesë e fierakëve dhe Kristian Preknicajn tek lushnjarët, të cilët që të dy bënë një ndeshje pozitive në repartet ku edhe ata luajnë, pikërisht Repaj në mbrojtje dhe Preknicaj në sulm.
Ndërkohë, edhe treshja e arbitrave shkodranë me kryesor Ditmir Grimçin dhe anësorë Jetmir Podgoricën e Ardit Çobajn morën një notë pozitive në drejtimin e kësaj sfide shumë të nxehtë./SHKODRA-SPORT.COM/
