Nga Endri ÇINARI
U mendua se do ishte një alternativë për ekipin e Vllaznisë këtë edicion, por Eslit Sala ka rezultuar një surprizë pozitive tek kuqeblutë. Mesfushori ka fituar hireraki tek 9 herë kampionët e vendit, duke u shndërruar në një titullar tashmë. Pavarësisht se edicionin nuk e nisi si protagonist, 24-vjeçari ka ditur të jetë i duruar dhe të përfitojë në momentin që do i jepej mundësia.
Dhe një gjë të tillë ish-futbollisiti i Valetas në kampionatin e Maltës ka ditur ta bëjë mjaft mirë. Sala, përveç rolit të tij si mesfushor qendror, ka mbuluar edhe disa pozicione të tjera këtë sezon në fushën e lojës. Nga trajneri Brdariç ai është aktivizuar edhe në dy krahët e mbrojtjes apo edhe si qendër mbrojtës në disa takime. E ndërsa në një ndeshje është shikuar edhe si mesfushor i krahut të djathtë.
Duke treguar kështu polivalencën e tij dhe gatishmërinë për t’i shërbyer skuadrës në çdo moment. I vlerësuar për karakterin e tij grintoz dhe luftën sportive, Sala ka ditur të sakrifikohet shpesh për kuqeblutë. Ku gjatë këtij sezon ka gjetur edhe golin në humbjen 2-1 të Vllaznisë ndaj Dinamos.
Patjetër rritja e tij kënaq në rradhët e kampit shkodran. Sepse çdo futbollist pretendohet të jetë në maksimumin e tij dhe të japë më të mirën në çdo moment thërritet në apel./www.shkodrasport.com/
