Ditët e fundit janë zhvilluar dy ndeshjet gjysmëfinale të Kupës së Kosovës në volejboll për meshkuj.
Në përfundim të tyre, është përcaktuar edhe çifti finalist që do të diskutojë edhe fitimin e këtij trofeu për sezonin 2017-2018.
Bëhet fjalë për çiftin Luboten (Ferizaj)- Peja. Kjo do të thotë se në këtë finale do të jetë i pranishëm edhe një volejbollist shkodran.
Ai është Nikolin Qafarena i cili në merkaton e janarit ka kaluar nga Vllaznia tek ekipi i Pejës.
Volejbollisti i njohur tashmë po jep kontributin e tij tek ekipi i ri dhe po e bën në mënyrën e duhur.
Ka ndihmuar në fitoren e ndeshjen gjysmëfinale ndaj ekipit të Prishtinës me rezultatin 3-1 dhe duke çuar Pejën në finale të Kupës.
Po ashtu, ka ndihmuar edhe në kampionat duke bërë që tashmë ekipi i tij të ketë siguruar katërshen e play off-it ndonëse në fillim u duk e vështirë.
Në këtë mënyrë, Nikolin Qafarena dhe Peja duken në rrugën e duhur për të fituar të dyja trofetë e volejbollit kosovar, titullin kampion dhe Kupën.
© shkodrasport.com
