Nga arkiva e “Shkodra Sport” nxorrëm këtë foto. I përket vitit 2006 dhe është pikërisht ndeshja e hapjes së kampionatit në mes Vllaznisë dhe Luftëtarit.
Jo më kot, në këtë foto është edhe i madhi Medin Zhega i cili ishte përzgjedhur për të shkelmuar topin e parë të kampionatit.
Përkrah tij me shiritin e kapitenit është administratori aktual i Vllaznisë Suad Lici dhe pas tij një e nga një gjithë pjestarët e tjerë të kuqebluve.
Zgjodhëm këtë foto sepse mjafton të shikosh tifozët në tribunën pas porte, për të kuptuar numrin e madh të tyre në shkallët e stadiumit “Loro Boriçi” të pranishëm edhe në tribunat e tjera.
Sot është tjetër gjë. Vllaznia është në kategorinë e parë dhe ish- kapiteni Lici tashmë e ka për detyrë ta rikthejë këtë skuadër aty ku i takon.
Bashkë me të tjerët kuptohet sepse vetëm nuk mundet t’ia dalë. Superliga shqiptare ka nevojë për këtë skuadër, këtë e thonë të gjithë.
© shkodrasport.com
