Krijimi i Ligës Profesioniste ka vite që diskutohet mes aktorëve të sportit në Shqipëri, por tani gjithçka po ecën me shpejtësi.
Krijimi i Ligës është futur në fazën finale dhe burime për “Eduasportin.com” bëjnë me dije se Liga do të bëhet realitet brenda vitit 2018.
Pra në këtë mënyrë sezoni 2018-2019 nisi me risi të mëdha. 7 klube të Kategorisë Superiore janë mbledhur në FSHF dhe kanë nënshkruar një memorandum. Mësohet se vetëm Partizani dhe Flamurtari nuk kanë votuar ende.
Një ndër pikat më të diskutuara është, se kush do të jetë presidenti i Ligës Profesioniste. Ideja e parë ishte, që klubi që renditet i pari të drejtojë për një vit ligën dhe kështu me radhë, por gjithçka është hedhur poshtë.
Shumica e klubeve janë të mendimit, se presidenti duhet jetë një person afër sportit, por jo afër klubeve dhe që e njeh mirë ekonominë.
Prioritet është nëse vjen nga fusha e biznesit, ndërsa në mënyrë kategorike nuk duhet të ketë lidhje me politikën.
“Nga 2018 Liga do të jetë realitet. Krijimi i Ligës pritet, që të rrisë nivelin e menaxhimit të garës sportive, çka do të sillte një produkt më cilësor për sportdashësit, i cili rrjedhimisht do të prodhonte më shumë të ardhura edhe për klubet.
Klubet do të marrim më shumë të ardhura nga reklamat, të drejtat televizive”, tha një burim pranë klubit të Teutës për “Eduasportin.com”.
