Përballja mes Atletico Palmaflorit dhe Blooming-ut ka hyrë në historinë e futbollit. Si kurrë më parë, ndeshja ka zgjatur për plot 132 minuta dhe këtu bëhet fjalë vetëm për shtesë të dhënë mbi kohën e rregullt.
Takimi ka pasur ndalesa të zgjatura të lojës për shkak të ndërhyrjes për të disatën e herë të sistemit VAR, çka arbitrat kanë vendosur t’i kompensojnë pas përfundimit të kohës së rregullt.
Megjithëse në kushte të këqija atmosferike, gjyqtari nuk e ka menduar dy herë që të kompensojë çdo sekondë të humbur në këtë sfidë. Kështu në total janë luajtur edhe 42 minuta të tjera, afërsisht një pjesë e tretë për të dyja skuadrat.
Në minutën e 129-te Atletico Palmaflori arriti të shënonte edhe golin e fitores, duke i çuar shifrat në 3-2. Një përballje e pazakontë, që padiskutim do të përflitet gjatë në Bolivi./Sport Ekspres/
