Në ditën e nesërme do të ketë një përballje mes Skënderbeut dhe Dinamos. Kryeqytetasit kanë zhgënjyer me rezultatet e arritura deri në këtë fazë të sezonit.
Në konferencën për shtyp para përballjes me korçarët, trajneri Bledi Shkëmbi ka folur hapur sa i përket problemeve. “Në futboll ka gjithnjë presion, nuk mendoj se ky ekip është i ndërtuar për zonën e poshtme.
Mendoj se nuk do të luftojmë për pjesën e poshtme të klasifikimit, por këtë mund ta arrijmë vetëm duke fituar në fushë se asgjë nuk arrihet me fjalë dhe dëshirë.
Në futboll flasin rezultatet, kemi zhgënjyer të gjithë nisur nga unë i pari. Patjetër që ka edhe futbollistë që i mendonim ndryshe dhe kanë dalë ndryshe. Pas kësaj ndeshje mund të bëjmë edhe një analizë më të gjerë”, tha Shkëmbi. /Sport Ekspres/
