Dyshimi se kush do të luajë në formacion për sfidën e radhës mbetet gjithmonë kur kemi të bëjmë me Tiago Motën. Të hamendësosh formacionin është gjithmonë një enigmë, edhe nëse dikush mendon se eksperimenti i parë kundër Kaljarit në Kupën e Italisë nuk do të përsëriten së shpejti. Në Monza, me shumë gjasa, do të shohim një Juventus më tradicional, edhe pse për momentin është e vështirë të kuptohet se cili është formacioni tipik, shpeshherë i diktuar nga emergjenca.
Përtej zgjedhjeve të detyruara nga dëmtimet, si Lokateli mbrojtës qendre dhe Mekeni si mbrojtës i krahut, të martën në mbrëmje, disa lojtarë të rinj si Kopmeiners përpara mbrojtjes dhe Jildiz në rolin e trekuartistit, impresionuan pozitivisht. Me Monzën, megjithatë, pritet një formacion tradicional me Savonën dhe Danilon në krahët e mbrojtjes dhe me Kalulun e Gatin në qendër.
Lokateli dhe Turam priten përpara mbrojtjes ndërsa Konseisao, Jildiz dhe Kopmeiners pas Vlahoviç.
DËMTIMET- Andrea Kambiazo mbetet jashtë ndeshjes MonzaJuventusit. Pavarësisht lajmeve se ai mund të ishte gati, ditët e fundit gjendja e tij nuk është përmirësuar dhe mjekët kanë preferuar të mos rrezikojnë një dëmtim më të rëndë.
Me shumë mundësi, Kambiazo do të rikthehet pas Krishtlindjeve. Diskurs i ngjashëm edhe për Duglas Luiz që ka shanse të larta të mos jenë në gjendje për të luajtur kundër Monzës. Edhe ky i fundit pritet të rikthehet më vonë, ndërsa mungesat e tjera janë emrat e përheshëm, Kabal, Bremer dhe Milik.
