Gjatë muajve të fundit kemi dëgjuar shpesh që ka përplasje mes FSHF-së dhe FFK-së për talentet apo emrat që janë në mëdyshje për të zgjedhur Shqipërinë apo Kosovën.
Por, sot Albian Ajeti u ka vënë “shqelmin” këtyre dy fanellave, duke përzgjedhur atë të Zvicrës për të ardhmen e tij.
Vëllai i Arlind Ajetit që luan në sulmin e Basel-it, sipas mediave zvicerane ka zgjedhur të veshë fanellën e Zvicrës për të rriturit.
Gjë që e ka bërë edhe kur ka qenë në ekipet e moshave të përfaqësueses helvete.
Sulmuesi Albian Ajeti ka bërë performancë të mirë te Basel-i, gjë që ka ndikuar te trajneri Vladimir Petkoviç, i cili e ka përzgjedhur për dy ndeshjet e radhës të Zvicrës që do të luhen kundër Greqisë dhe Panamasë pikërisht më 23 dhe 25 mars.
Sa i përket kërkesave nga Shqipëria dhe Kosova, lojtari është kërkuar shumë nga të dyja përfaqësueset.
Madje, te kuzqezinjtë luan dhe vëllai i tij më i madh, Arlindi, por talenti nga Podujeva ka vendosur që të mos ndryshojë flamur.
Që prej moshës 15 vjeçare ai ka luajtur për Zvicrën, ku ka shënuar 12 gola. /EDS/
