“Olimpic Shkodra” duket se e ka mbyllur seznin para kohe. Javen e kaluar ky ekip nuk eshte paraqitur ne ndeshjen ndaj UET dhe si rrjedhoje Komisioni i Disiplines ne mbledhjen e tij te sotme e ka gjobitur kete ekip me 1 milione leke te vjetra si dhe e ka humbur ndeshjen ne tavoline me rezultatin 0-3.
Por duket se ekipi shkodran do ta humbase edhe ndeshjen e fundit ne te njejten menyre. Kjo sepse vete drejtuesit e ketij klubi sot kane bere nje postim ne faqen e tyre teksa shkruajne “Fotoja e fundit e sezonit”!!! Kujtojme qe ndeshjen e fundit “Olimpic Shkodra” do ta luaje diten e diele ne “Reshit Rusi” ndaj KF Shiroka. Por per te dy ekipet kjo perballje nuk ka asnje vlere dhe prandaj mund te mos luhet.
“Olimpic” pritet ta mbylle kampionatin ne kete menyre me vetem 3 pike te grumbulluara dhe si rrjedhoje renditet ne vendin e fundit, megjithate duket se sezoni i ri do te jete krejt ndryshe dhe kjo mesohet permes postimit te bere diten e sotme ku shkruhet:
“Ky sezon ka qenë një nga më sfiduesit në rrugëtimin tonë. Ne u përpoqëm të kapërcejmë çdo pengesë – qofshin dëmtime, çështje të brendshme apo sjellje joprofesionale nga disa lojtarë. Megjithatë, ajo që lëndoi më shumë ishin padrejtësitë e përsëritura nga arbitrat dhe mungesa e mbështetjes, të cilat të dyja patën një ndikim të drejtpërdrejtë në rezultatet tona.
Pavarësisht gjithë kësaj, ne qëndruam të fortë dhe vazhduam të luftonim. Duam të falenderojmë sinqerisht të gjithë ata që kanë mbështetur “Olimpic Shkodrën” në këtë sezon të vështirë. Besimi dhe inkurajimi juaj nënkuptonin gjithçka. Duke parë përpara, ne bëjmë një premtim të qartë: për të ardhmen, për të tashmen dhe për të kaluarën – nuk do ta falim veten nëse nuk japim më shumë, bëjmë më shumë dhe luftojmë më fort.
Një kapitull i ri po vjen dhe ne do të punojmë pa pushim për të sjellë në jetë vizionin tonë. “Olimpic Shkodra” nuk është thjesht një klub – është një simbol i qytetit, shpirtit të tij dhe tifozëve të tij pasionantë. Rrugëtimi i KF Shkodër dhe Olimpic Shkodër sapo ka filluar. Muajt e ardhshëm do të tregojnë një klub më të fortë dhe më të suksesshëm. Qëndroni me ne. Më e mira nuk ka ardhur ende.
