Tre ndeshje- tre humbje per ekipin debutues ne kategorine e trete, ate “Olimpic Shkodra”. Pasditen e djeshme ai ka luajtur ne kryeqytet ndeshjen e rradhes, pikerisht ndaj ekipit “Eagle Football” ndaj te cilit eshte mundur me rezultatin 3-7.
Nje sfide me shume gola te pesuar, çka tregon se ekipi shkodran nuk eshte ende ne lartesine e duhur per te konkurruar edhe ne kete kategori. Ndoshta koha e paket qe trajneri Raine ka patur ne dispozicion, por ndoshta edhe cilesia e lojtareve po ndikojne ne kete drejtim dhe si rrjedhoje skuadra ende nuk po merr rezultatet e duhura.
Ne ndeshjen e djeshme, “Olimpic Shkodra” ka pesuar tre gola brenda 17 minutave dhe kjo i dha nje goditje te forte miqve te cilet u munduan te reagojne dhe si rrjedhoje shenojne golin e pare me sulmuesin e tyre kryesor Khalil, megjithate “Eagle” do te shenonte edhe nje gol tjeter dhe pjesa e pare do te mbyllej ne shifrat 4-1 per vendasit.
Ata do te shenonin edhe tre gola te tjere ne 45 minutat e dyta, ndersa “Olimpic” do te shenonte serish me Khalil si dhe nje gol nje minute para fundit me futbollistin Pjeter Cubi qe do te vuloste rezultatin perfundimtar 7-3 ne favor te “Eagle Football”.
Ky i fundit me fitoren e djeshme eshte ngjitur ne kuoten e 7 pikeve duke ndare kreun me “Partizani B”, ndersa “Olimpic Shkodra” mbetet me 0 pike pas tre humbjeve te pesuara dhe me nje golaverazh negativ 5-12. Javen e ardhshme, ekipi shkodran do te kete nje tjeter prove te veshtire teksa do te prese ne fushen e kompleksit “Zmijani” ekipin e Partizanit B./www.shkodrasport.com/
