Oltijon Kërnaja do të jetë trajneri i ri i Kukësit. Palët kanë gjetur gjuhën e përbashkët për të vijuar bashkëpunimin në Kategorinë e Parë dhe tropojanit i është besuar drejtimi i ekipit.
Sezonin e kaluar, Kërnaja ishte zv/trajner tek Kukësi dhe ka qenë një ndër kandidatët potencialë për të marrë drejtimin e ekipit prej kohësh, duke qenë se e njeh mjaft mirë ambientin dhe kështu ka ndodhur.
Tropojani do të jetë pikërisht ai që do të drejtojë skuadrën, duke marrë në këtë mënyrë edhe “timonin” e ekipit. Tashmë, me emërimin e trajnerit të ri, Kukësi pritet të dalë në stërvitje javën e ardhshme, teksa tashmë duket se është gjithçka gati për të nisur përgatitjet për sezonin e ri.
Synimi i tyre i vetëm do të jetë rikthimi në Superiore, por gjithçka do të vendoset nga merkatoja që do të zhvillojnë drejtuesit e ekipit dhe objektivat që ato do të vendosin për skuadrën
Maringlen ZHIVANI
