Ai ka gati një milionë ndjekës në Instagram, është në kopertinën e një lojë kompjuteri bashkë me Neymar dhe është provuar te Manchester City. E quajnë “Messi arab” dhe flokët karakteristike janë kopjuar nga shumë tifozë në Lindjen e Mesme. Omar Abdulrahman është futbollisti më i mirë për të cilin nuk keni dëgjuar.
Mesfushori ofensiv 26-vjeçar luan në Emiratet Arabe të Bashkuara me Al Ain dhe me përfaqësuesen emirate.Këtë vit, FourFourTwo Asia e renditi përpara Son Heung-min të Tottenham dhe Shinji Okazaki në listën e lojtarëve më të mirë aziatikë.Mund ta keni parë në Lojërat Olimpike të Londrës në 2012 ku Daniel Sturridge i tha se kishte mjaftueshëm talent për të luajtur në Evropë, Luis Suarez i kërkoi të shkëmbenin fanellat dhe Ryan Giggs kërkoi ta takonte pas ndeshjes Britaninë e Madhe për t’i dhënë bluzën e tij.Dhe kombinimi i aftësive të tij të shfaqura në Youtube dhe stili i flokëve ‘alla’ David Luiz e ka kthyer në një yll në Azi, brenda dhe jashtë fushe.
Në Emirate ai zë faqet e mëdha të reklamave të rrugës ku reklamon marka të famshme dhe ka një marrëveshje sponsorshipi me Nike.Abdulrahman ka qenë në kopertinën e versionit aziatik të Pro Evolution Soccer 2016, bashkë me Neymar. Si pjesë e promovimit të lojës ai bën një shfaqe në Youtube duke treguar aftësitë e tij, ajo video është parë gati 5 milionë herë.
Ai gjithashtu u bë viral dhjetorin e kaluar kur, teksa luante si një i ftuar i Al Ahli-t ndaj Barcelona-s në një miqësore, në Katar, ai bëri një gol me stil Panenka.“Vdisja të shihja Zidane, ai bënte futbollin të dukej aq i thjeshtë,” shprehet ai për FourFourTwo. “Kam dashur të kopjoj atë shija në fushën e lojës.”Lindur më 1991 në Riyadit me prindër nga Jemeni, Abdulrahman u rritu duke luajtur futboll në rrugë bashkë me vëllezërit e tij Ahmed, Mohamed dhe Khalid.
Ai u zbulua për të parën herë nga Al Hilal, gjigantët e Arabisë Saudite, por Al Ain ofroi një paketë më superiore.Ai shpërtheu në vitin 2009 dhe ka fituar tre tituj, si dhe udhëhoqi klubin e tij në Champions League aziatike në 2016.Ai ka qenë shumë pranë Manchester City-t, por leja e punës e ka ndaluar të transferohet në Angli.
Gjithashtu në 2012, ai ka refuzuar një huazim te Benfica dhe këtë verë Nice tentoi ta transferonte në formë huazimi, duke i premtuar lojtarit shansin për të luajtur në UEFA Champions League. Por marrëveshja nuk u arrit. Situata e Abdulrahman është komplekse. Al Ain, si të gjitha skuadrat emirate, janë nën patronazhin e një sheiku dhe ai ka refuzuar ta lejojë të largohet lojtarin.Telesport.al
