Problemet e drogës tashmë janë shndërruar në një fenomen që po përhapet çdo ditë e më tepër dhe trafikimi por edhe arrestimi i personave që merren me të, janë shndërruar në “trendy” për edicionet e lajmeve të tv dhe gazetave. Një operacion i gjerë anti-drogë është zhvilluar në Itali në zonën e Trevisos, ku koka e grupit ka qenë një shqiptar dhe përveç tij janë arrestuar edhe 10 të tjerë nga Shqipëria. Por ndërkohë mediat italiane kanë bërë me dije se mes të arrestuarve ka qenë edhe një ish-futbollist.
Bëhet fjalë këtë herë për një italian i cili ka luajtur në Seria B dhe C. Ai ështëGiuliano Camporese që gjithashtu ka mbajtur edhe rolin e trajnerit. Pas largimit nga futbolli aktiv ai është hetuar edhe më parë për shpërndarje drogë. Mbase nga futbolli nuk ka arritur të nxjerrë të ardhurat e duhura për vazhdimin e jetës dhe kësisoj ka zgjedhur këtë rrugën tjetër për të nxjerrë përfitimet e duhura. Por jo vetëm në Itali. Pak kohë më parë edhe në Shkodër u arrestua një futbolliste nga ky qytet si pjesë e një rrjeti që merrej me shitjen dhe trafikimin e lëndëve narkotike. Mbase tashmë futbolli nuk është më burim kryesor të ardhurat dhe duhen gjetur rrugë të tjera për të siguruar jetesën. Dhe kështu nuk ndodh vetëm në Shqipëri por edhe në vende të tjera.
www.shkodrasport.com
